Klimafestival midt i valkampen

fornøyd Trondheim

Moro på klimafestivalen i Trondheim i fjor. Foto: Anja Bache-Wiig Solberg

For tredje året på rad arrangerar Klimavalgalliansen i Trondheim klimafestival ei heil veke til endes. I staden for festivalane som vert heldt rundt nyttårstider andre stader i landet, har vi valt å gjere dette til ein sommarleg happening, seier Nina Weidemann i Besteforeldreaksjonen. Det er nok lettare å få folk ut no enn vinters tid – i alle fall her nord for Dovre. Og midt i valkampen er det jo heller ikkje så dumt om vi kan bidra til å flytte fokuset over på dei langsiktige perspektiva.

Den nasjonale vendepunkt-markeringa som Klimavalgalliansen skal ha laurdag 2. september har dei i Trondheim valt å tjuvstarte og flytte til laurdag 26. august og opninga av klimafestivalen.

– Ja, det høyrest vel ut som vi her i byen på død og liv vil gjere ting på vår eigen måte og uavhengig av alle andre, ler Nina. Men dette er ei rein praktisk ordning, for å få mest muleg igjen for innsatsen vår, mobilisere medlemmer og nå fram til så mange som vi kan. Vi hadde stor oppslutnad om festivalen i fjor, og eg har tru på at dette skal bli vellukka. Kjenner på meg at det eit stemningsskifte på gong blant veljarane og at oljelobbyen er på defensiven. Eg har aldri vore så spent foran noko stortingsval som det i år, må eg seie.

Trondheimsfestivalen går over ei heil uke frå laurdag til fredag. Sjå det varierte og innhaldsrike programmet.

">
Spre kunnskap –
del denne saken!

!Vær den første til å kommentere

Skriv din kommentar her

Din e-postadresse vil ikke bli publisert.

Du kan brukke disse HTML tags og attributter: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*